oz mamura-e-duniya mein KHarabi hai 'zafar'
aisi basti ko to virana banaya hota

Bahadur Shah Zafar

---

---

sab miTa den dil se hain jitni ki us mein KHwahishen
gar hamein malum ho kuchh us ki KHwahish aur hai

Bahadur Shah Zafar

---

---

saham kar ai 'zafar' us shoKH kaman-dar se kah
khinch kar dekh mere sine se tu tir na toD

Bahadur Shah Zafar

---

---

tamanna hai ye dil mein jab talak hai dam mein dam apne
'zafar' munh se hamare nam us ka dam-ba-dam nikle

Bahadur Shah Zafar

---

---

tu kahin ho dil-e-diwana wahan pahunchega
shama hogi jahan parwana wahan pahunchega

Bahadur Shah Zafar

---

---

yan tak adu ka pas hai un ko ki bazm mein
wo baiThte bhi hain to mere ham-nashin se du

Bahadur Shah Zafar

---

---

yar tha gulzar tha baad-e-saba thi main na tha
laeq-e-pabos-e-jaanan kya hina thi main na tha

Bahadur Shah Zafar

---

---