yun bar bar mujh ko sadaen na dijiye
ab wo nahin raha hun koi dusra hun main

Azm Shakri

---

---

zaKHm jo tum ne diya wo is liye rakkha hara
zindagi mein kya bachega zaKHm bhar jaane ke baad

Azm Shakri

---

---

zindagi meri mujhe qaid kiye deti hai
is ko Dar hai main kisi aur ka ho sakta hun

Azm Shakri

---

---

chiyunTiyon ki tarah hain chimTi hui
teri yaadon ne mar Dala hai

Azmatullah Khan

---

---

aane wale kal ki KHatir har har pal qurban kiya
haal ko dafna dete hain hum jine ki tayyari mein

Azra Naqvi

---

---

ab ki bar jo ghar jaana to sare album le aana
waqt ki dimak lag jati hai yaadon ki almari mein

Azra Naqvi

---

---

haqiqaten to mere roz o shab ki sathi hain
main roz o shab ki haqiqat badalna chahti hun

Azra Naqvi

---

---