tu baat nahin sunta yahi hal hai phir is ka
jhagDe ke liye waqt nikalen koi hum bhi

Azlan shah

---

---

ye KHazane ka koi sanp bana hota hai
aadmi ishq mein duniya se bura hota hai

Azlan shah

---

---

aamadgi ko wasl se mashrut mat samajh
ye dekh is sawal pe sanjida kaun hai

Azm Bahzad

---

---

ai KHwab-e-pazirai tu kyun meri aankhon mein
andesha-e-duniya ki tabir uTha laya

Azm Bahzad

---

---

ajab mahfil hai sab ek dusre par hans rahe hain
ajab tanhai hai KHalwat ki KHalwat ro rahi hai

Azm Bahzad

---

---

dariya par utarne wale ye bhi jaan nahin pae
kise kinare par le Duba par utar jaane ka gham

Azm Bahzad

---

---

kal samne manzil thi pichhe meri aawazen
chalta to bichhaD jata rukta to safar jata

Azm Bahzad

---

---