phailte hue shahro apni wahshaten roko
mere ghar ke aangan par aasman rahne do

Azra Naqvi

---

---

chaar samten aaina si har taraf
tum ko kho dene ka manzar aur main

Azra Parveen

---

---

ang apne jo the bhar bhi kahan pae kabhi hum
hum ne to sada radd-e-amal mein hi basar ki

Azra Parveen

---

---

simaT gai to shabnam phul sitara thi
biphar ke meri lahar lahar angara thi

Azra Parveen

---

---

us ne mere nam suraj chand tare likh diya
mera dil miTTi pe rakh apne lab rota raha

Azra Parveen

---

---

zamin ke aur taqaze falak kuchh aur kahe
qalam bhi chup hai ki ab moD le kahani kya

Azra Parveen

---

---

aagahi ne diye ibham ke dhoke kya kya
sharh-e-alfaz jo likkhi to ishaare likkhe

Azra Waheed

---

---