kis liye is se nikalne ki duaen mangun
mujh ko malum hai manjdhaar se aage kya hai

Azlan shah

---

---

kisi ke nam pe nanhe diye jalate hue
KHuda ko bhul gae nekiyan kamate hue

Azlan shah

---

---

mujh ko pahchan tu ai waqt main wo hun jo faqat
ek ghalati ke liye arsh-e-barin se nikla

Azlan shah

---

---

na hath sukh ke jhaDte hain jism se apne
na shaKH koi samar-bar apni hoti hai

Azlan shah

---

---

tawil umr ki Dheron duaen bheji hain
mere charagh ko pani se bharne walon ne

Azlan shah

---

---

tum mohabbat ka use nam bhi de lo lekin
ye to qissa kisi haari hui taqdir ka hai

Azlan shah

---

---

tu aa gaya hai to ab yaad bhi nahin mujh ko
ye ishq mera bura haal karne wala tha

Azlan shah

---

---