tum pe ilzam na aa jae safar mein koi
rasta kitna hi dushwar ho Thahra na karo

Aziz Warsi

---

---

tumhaari zat se mansub hai diwangi meri
tumhin se ab meri diwangi dekhi nahin jati

Aziz Warsi

---

---

Duba safina jis mein musafir koi na tha
lekin bhare hue the wahan na-KHuda bahut

Aziz-ur-Rahman Shaheed Fatehpuri

---

---

na jaane kaun si manzil pe ishq aa pahuncha
dua bhi kaam na aae koi dawa na lage

Aziz-ur-Rahman Shaheed Fatehpuri

---

---

shayad yahi kitab-e-mohabbat ho la-jawab
meri wafa ke sath hai teri jafa bahut

Aziz-ur-Rahman Shaheed Fatehpuri

---

---

shahr ho dasht-e-tamanna ho ki dariya ka safar
teri taswir ko sine se laga rakkha hai

Aziz-ur-Rahman Shaheed Fatehpuri

---

---

ye baat sach hai ki marna sabhi ko hai lekin
alag hi hoti hai lazzat nigah-e-qatil ki

Aziz-ur-Rahman Shaheed Fatehpuri

---

---