kaise mumkin hai ki hum donon bichhaD jaenge
itni gahrai se har baat ko socha na karo

Aziz Warsi

---

---

KHushi mahsus karta hun na gham mahsus karta hun
bahr-alam tumhaara hi karam mahsus karta hun

Aziz Warsi

---

---

meri taqdir se pahle sanwarna jin ka mushkil hai
teri zulfon mein kuchh aise bhi KHam mahsus karta hun

Aziz Warsi

---

---

mohabbat lafz to sada sa hai lekin 'aziz' is ko
mata-e-dil samajhte the mata-e-dil samajhte hain

Aziz Warsi

---

---

mohtasib aao chalen aaj to mai-KHane mein
ek jannat hai wahan aap ki jannat ke siwa

Aziz Warsi

---

---

mujh se ye puchh rahe hain mere ahbab 'aziz'
kya mila shahr-e-suKHan mein tumhein shohrat ke siwa

Aziz Warsi

---

---

teri mahfil mein farq-e-kufr-o-iman kaun dekhega
fasana hi nahin koi to unwan kaun dekhega

Aziz Warsi

---

---