hamin ne zist ke har rup ko sanwara hai
luTa ke raushani-e-taba jalwa-gahon mein

Aziz Tamannai

---

---

hazar bar aazma chuka hai magar abhi aazma raha hai
abhi zamane ko aadmi ka nahin hai kuchh e'tibar shayad

Aziz Tamannai

---

---

jis ko chalna hai chale raKHt-e-safar bandhe hue
hum jahan-gasht hain uTThe hain kamar bandhe hue

Aziz Tamannai

---

---

kuchh kaam aa sakin na yahan be-gunahiyan
hum par laga hua tha wo ilzam umr-bha

Aziz Tamannai

---

---

mil hi jaegi kabhi manzil-e-maqsud-e-sahar
shart ye hai ki safar karte raho sham ke sath

Aziz Tamannai

---

---

thapkiyan dete rahe ThanDi hawa ke jhonke
is qadar jal uThe jazbaat ki hum so na sake

Aziz Tamannai

---

---

un ko hai dawa-e-asihai
jo nahin jaante shifa kya hai

Aziz Tamannai

---

---