ek nawa-e-rafta ki bazgasht thi 'qaisi'
dil jise samajhte the dasht-e-be-sada nikla

Aziz Qaisi

---

---

jitne the rang husn-e-bayan ke bigaD gae
lafzon ke bagh shahar ki surat ujaD gae

Aziz Qaisi

---

---

jo zaKHm doston ne diye hain wo chhup to jaen
par dushmanon ki samt se patthar koi to aae

Aziz Qaisi

---

---

kai bar daur-e-kasad mein gire mehr-o-mah ke dam bhi
magar ek qimat-e-jins-e-dil jo khari rahi to khari rahi

Aziz Qaisi

---

---

kya hath uThaiye dua ko
hum hath uTha chuke dua se

Aziz Qaisi

---

---

nazar uThao to jhum jaen nazar jhukao to Dagmagaen
tumhaari nazron se sikhte hain tariq maut-o-hayat ke hum

Aziz Qaisi

---

---

tujhe sine se laga lun tujhe dil mein rakh lun
dard ki chhanw mein zaKHmon ki aman mein aa ja

Aziz Qaisi

---

---