tamam shahr ko tarikiyon se shikwa hai
magar charagh ki baiat se KHauf aata hai

Aziz Nabeel

---

---

wo ek raaz! jo muddat se raaz tha hi nahin
us ek raaz se parda uTha diya gaya hai

Aziz Nabeel

---

---

aah-e-be-asar nikli nala na-rasa nikla
ek KHuda pe takiya tha wo bhi aap ka nikla

Aziz Qaisi

---

---

ab to faqat badan ki murawwat hai darmiyan
tha rabt-e-jaan-o-dil to shuruat hi mein tha

Aziz Qaisi

---

---

ajib shahr hai ghar bhi hain raston ki tarah
kise nasib hai raaton ko chhup ke rona bhi

Aziz Qaisi

---

---

chal 'qaisi' mele mein chal kya rona tanhai ka
koi nahin jab tera mera sab mere sab tere

Aziz Qaisi

---

---

dilon ka KHun karo salim rakho gareban ko
junun ki rasm zamana hua uTha di hai

Aziz Qaisi

---

---