zamin mom ki hoti hai mere qadmon mein
mera sharik-e-safar aaftab hota hai

Aziz Bano Darab Wafa

---

---

zard chehron ki kitaben bhi hain kitni maqbul
tarjume un ke jahan bhar ki zabanon mein mile

Aziz Bano Darab Wafa

---

---

zindagi bhar main khuli chhat pe khaDi bhiga ki
sirf ek lamha barasta raha sawan ban ke

Aziz Bano Darab Wafa

---

---

zindagi ke sare mausam aa ke ruKHsat ho gae
meri aankhon mein kahin barsat baqi rah gai

Aziz Bano Darab Wafa

---

---

har ek ke chehre pe hai tashwish numayan
baiThe hain masiha tere bimar se lag ka

Aziz Ejaz

---

---

jaise koi rota hai gale pyar se lag kar
kal raat main roya teri diwar se lag ka

Aziz Ejaz

---

---

aise bandon ko jaanta hun main
jin ka wahid ilaj malish hai

Aziz Faisal

---

---