jahan mein ho gai na-haq teri jafa badnam
kuchh ahl-e-shauq ko dar-o-rasan se pyar bhi hai

Aal-e-Ahmad Suroor

---

---

jo tere dar se uTha phir wo kahin ka na raha
us ki qismat mein rahi dar-badri kahte hain

Aal-e-Ahmad Suroor

---

---

kuchh to hai waise hi rangin lab o ruKHsar ki baat
aur kuchh KHun-e-jigar hum bhi mila dete hain

Aal-e-Ahmad Suroor

---

---

log mange ke ujale se hain aise marub
raushni apne charaghon ki buri lagti hai

Aal-e-Ahmad Suroor

---

---

mai-kashi ke bhi kuchh aadab baratna sikho
hath mein apne agar jam liya hai tum ne

Aal-e-Ahmad Suroor

---

---

sahil ke sukun se kise inkar hai lekin
tufan se laDne mein maza aur hi kuchh hai

Aal-e-Ahmad Suroor

---

---

tamam umr kaTi us ki justuju karte
baDe dinon mein ye tarz-e-kalam aaya hai

Aal-e-Ahmad Suroor

---

---