mai-kashon mein na koi mujh sa namazi hoga
dar-e-mai-KHana pe bichhta hai musalla apna

Aagha Akbarabadi

---

---

o sitamgar teri talwar ka dhabba chhaT jae
apne daman ko lahu se mere bhar jaane de

Aagha Akbarabadi

---

---

aqib qatl hua us ki tegh-e-abru se
haram-zada tha achchha hua halal hua

Aagha Akbarabadi

---

---

ind-mashrab hain kisi se hamein kuchh kaam nahin
dair apna hai na kaba na kalisa apna

Aagha Akbarabadi

---

---

sanam-parasti karun tark kyunkar ai waiz
buton ka zikr KHuda ki kitab mein dekha

Aagha Akbarabadi

---

---

sharab pite hain to jagte hain sari raat
mudam aabid-e-shab-zinda-dar hum bhi hain

Aagha Akbarabadi

---

---

shikayat mujh ko donon se hai naseh ho ki waiz ho
na samjha hun na samjhun sar phira le jis ka ji chahe

Aagha Akbarabadi

---

---