jab bhi chahun tera chehra soch sakun
bas itni si baat mere imkan mein rakh

Azhar Adeeb

---

---

jo zindagi ki mang sajate rahe sada
qiston mein banT kar unhen jina diya gaya

Azhar Adeeb

---

---

kabhi us se dua ki khetiyan sairab karna
jo pani aankh ke andar kahin Thahra hua hai

Azhar Adeeb

---

---

kisi ki zat mein zam ho gaya hun
main apne aap mein gham ho gaya hun

Azhar Adeeb

---

---

lahje aur aawaz mein rakkha jata hai
ab to zahr alfaz mein rakkha jata hai

Azhar Adeeb

---

---

logo hum to ek hi surat mein hathiyar uThate hain
jab dushman ho apne jaisa KHud-sar bhi aur ham-sar bhi

Azhar Adeeb

---

---

main jis lamhe ko zinda kar raha hun muddaton se
wahi lamha mera inkar karna chahta hai

Azhar Adeeb

---

---