sham parinde lauT aae to hum teri khoj mein chal nikle
phir jangal mein raat hui aur ghar ka rasta bhul gae

Azhar Ali

---

---

aankh khulte hi jabin chumne aa jate hain
hum agar KHwab mein bhi tum se laDe hote hain

Azhar Faragh

---

---

achchhe-KHase logon par bhi waqt ek aisa aa jata hai
aur kisi par hanste hanste KHud par rona aa jata hai

Azhar Faragh

---

---

aisi ghurbat ko KHuda ghaarat kare
phul bhejwane ki gunjaish na ho

Azhar Faragh

---

---

adal ke dekh chuki hai reaya sahib-e-taKHt
jo sar qalam nahin karta zaban khinchta hai

Azhar Faragh

---

---

ahut ghanimat hain hum se milne kabhi kabhi ke ye aane wale
wagarna apna to shahr bhar mein makan tale se jaana jae

Azhar Faragh

---

---

ahut se sanp the is ghaar ke dahane par
dil is liye bhi KHazana shumar hone laga

Azhar Faragh

---

---