hum ne ghar ki salamti ke liye
KHud ko ghar se nikal rakkha hai

Azhar Adeeb

---

---

hum un ki aas pe umren guzar dete hain
wo moajize jo kabhi runuma nahin hote

Azhar Adeeb

---

---

hamare nam ki taKHti bhi un pe lag na saki
lahu mein gundh ke miTTi jo ghar banae gae

Azhar Adeeb

---

---

hamein roko nahin hum ne bahut se kaam karne hain
kisi gul mein mahakna hai kisi baadal mein rahna hai

Azhar Adeeb

---

---

hawa ko zid ki uDaegi dhul har surat
hamein ye dhun hai ki aaina saf karna hai

Azhar Adeeb

---

---

is liye main ne muhafiz nahin rakkhe apne
mere dushman mere is jism se bahar kam hain

Azhar Adeeb

---

---

itna bhi inhisar mere sae par na kar
kya jaane kab ye mom ki diwar gir paDe

Azhar Adeeb

---

---