KHat mein likkhi hai haqiqat dasht-gardi ki agar
nama-bar jangali kabutar ko banana chahiye

Arshad Ali Khan Qalaq

---

---

KHuda-hafiz hai ab ai zahido islam-e-ashiq ka
butan-e-dahr ghaalib aa gae hain kaba-o-dil pa

Arshad Ali Khan Qalaq

---

---

khulne se ek jism ke sau aib Dhak gae
uryan-tani bhi josh-e-junun mein libas hai

Arshad Ali Khan Qalaq

---

---

KHush-qadon se kabhi aalam na rahega KHali
is chaman se jo gaya sarw to shamshad aaya

Arshad Ali Khan Qalaq

---

---

kotah umr ho gai aur ye na kam hui
ai jaan aa ke tul-e-shab-e-intizar dekh

Arshad Ali Khan Qalaq

---

---

kuchh KHabar deta nahin us ki dil-e-agah mujhe
wahi ke manind ab mauquf hai ilham ka

Arshad Ali Khan Qalaq

---

---

kufr-o-islam ke jhagDon se chhuDaya sad-shukr
qaid-e-mazhab se junun ne mujhe aazad kiya

Arshad Ali Khan Qalaq

---

---