gulgasht-e-bagh ko jo gaya wo gul-e-farang
ghunche salam karte the Topi utar ke

Arshad Ali Khan Qalaq

---

---

gul-gun teri gali rahe aashiq ke KHun se
yarab na ho KHizan se ye tera chaman KHara

Arshad Ali Khan Qalaq

---

---

hum to na ghar mein aap ke dam-bhar Thaharne aaen
rose aaen jaen surat-e-anfas aur log

Arshad Ali Khan Qalaq

---

---

hum un se aur wo hum se dam-e-sulh the KHajil
chhinTe laDa kiye araq-e-infial ke

Arshad Ali Khan Qalaq

---

---

hazrat-e-ishq ne donon ko kiya KHana-KHarab
barhaman but-kada aur shaiKH haram bhul gae

Arshad Ali Khan Qalaq

---

---

himmat ka zahidon ki sarasar qusur tha
mai-KHana KHanqah se aisa na dur tha

Arshad Ali Khan Qalaq

---

---

hua main rind-mashrab KHak mar kar is tamanna mein
namaz aaKHir paDenge wo kisi din to tayammum se

Arshad Ali Khan Qalaq

---

---