ut-parasti mein bhi bhuli na mujhe yaad-e-KHuda
hath mein subha gale mein mere zunnar raha

Arshad Ali Khan Qalaq

---

---

chala hai chhoD ke tanha kidhar tasawwur-e-yar
shab-e-firaq mein tha tujh se mashghala dil ka

Arshad Ali Khan Qalaq

---

---

chheDa agar mere dil-e-nalan ko aap ne
phir bhul jaiyega bajaana sitar ka

Arshad Ali Khan Qalaq

---

---

dast-e-junun ne phaD ke phenka idhar-udhar
daman abad mein hai to gareban azal mein hai

Arshad Ali Khan Qalaq

---

---

dil KHasta ho to lutf uThe kuchh apni ghazal ka
matlab koi kya samjhega maston ki zaTal ka

Arshad Ali Khan Qalaq

---

---

gardish mein sath un aankhon ka koi na de saka
din rah gaya kabhi to kabhi raat rah gai

Arshad Ali Khan Qalaq

---

---

ghaT par talwar ke nahlaiyo mayyat meri
kushta-e-abru hun main kya ghusl-KHana chahiye

Arshad Ali Khan Qalaq

---

---