main apne aap ko kis tarah sangsar karun
mere KHilaf mera dil agar gawahi de

Aqeel Shadab

---

---

meri talash mein hai koi aisa lagta hai
kisi ka gum-shuda 'shadab' raKHt hun shayad

Aqeel Shadab

---

---

mujhe kisi ne suna hi nahin tawajjoh se
main bad-zaban sada-e-karaKHt hun shayad

Aqeel Shadab

---

---

shayad koi kami mere andar kahin pe hai
main aasman pe hun mera saya zamin pe hai

Aqeel Shadab

---

---

tha jis pe meri zindagi ka inhisar
usi ka nam dhyan mein nahin raha

Aqeel Shadab

---

---

ye aur baat ki wo ab yahan nahin rahta
magar ye us ka basaya hua makan to hai

Aqeel Shadab

---

---

zindagi jis ke tasawwur mein basar ki hum ne
hae wo shaKHs haqiqat mein kahani nikla

Aqeel Shadab

---

---