kuchh samajh mein meri nahin aata
dil lagane se faeda kya hai

Anwar Taban

---

---

samajh se kaam jo leta har ek bashar 'taban'
na haha-kar hi machte na ghar jala karte

Anwar Taban

---

---

shayad aa jae kabhi dekhne wo rashk-e-masih
main kisi aur se is waste achchha na hua

Anwar Taban

---

---

shaghl tha dasht-nawardi ka kabhi ai 'taban'
ab gulistan mein bhi jate hue Dar lagta hai

Anwar Taban

---

---

sitam bhi mujh pe wo karta raha karam ki tarah
wo mehrban to na tha mehrban jaisa tha

Anwar Taban

---

---

sukun qalb ko jis se mil jae 'taban'
ghazal koi aisi suna dijiyega

Anwar Taban

---

---

tumhein dil de to de 'taban' ye Dar hai
hamesha ko tumhaara ho na jae

Anwar Taban

---

---