sath jo de na saka rah-e-wafa mein apna
be-irada bhi use yaad kiya hai barson

Anwarul Hasan Anwar

---

---

sukun-e-dil na mayassar hua zamane mein
na yaad rakhne mein tum ko na bhul jaane mein

Anwarul Hasan Anwar

---

---

wo iztirab-e-musalsal ka lutf kya jaane
musibaton se jo ghabra gaya zamane mein

Anwarul Hasan Anwar

---

---

ye awadh hai ki jahan sham kabhi KHatm nahin
wo banaras hai jahan rose sahar hoti hai

Anwarul Hasan Anwar

---

---

as wahi ashk mera hasil-e-girya hai 'aqil'
jo mere dida-e-namnak se bahar hai abhi

Aqeel Abbas Jafri

---

---

har ishq ke manzar mein tha ek hijr ka manzar
ek wasl ka manzar kisi manzar mein nahin tha

Aqeel Abbas Jafri

---

---

ab bhi kuchh log mohabbat pe yaqin rakhte hain
ho jo mumkin to unhen des nikala de do

Aqeel Danish

---

---