shahr ki galiyon aur saDkon par phirte hain mayusi mein
kash koi 'anwar' se puchhe aise be-ghar kitne hain

Anwar Jamal Anwar

---

---

tumhaare dil mein koi aur bhi hai mere siwa
guman to hai zara sa magar yaqin nahin

Anwar Jamal Anwar

---

---

aaina dekh zara kya main ghalat kahta hun
tu ne KHud se bhi koi baat chhupa rakkhi hai

Anwar Masood

---

---

aankhen bhi hain rasta bhi charaghon ki ziya bhi
sab kuchh hai magar kuchh bhi sujhai nahin deta

Anwar Masood

---

---

aasman apne iradon mein magan hai lekin
aadmi apne KHayalat liye phirta hai

Anwar Masood

---

---

aastinon ki chamak ne hamein mara 'anwar'
hum to KHanjar ko bhi samjhe yad-e-baiza hoga

Anwar Masood

---

---

ai dil-e-nadan kisi ka ruThna mat yaad kar
aan Tapkega koi aansu bhi is jhagDe ke bich

Anwar Masood

---

---