Dube hue taron pe main kya ashk bahata
chaDhte hue suraj se meri aankh laDi thi

Anwar Masood

---

---

han mujhe urdu hai punjabi se bhi baDh kar aziz
shukr hai 'anwar' meri sochen ilaqai nahin

Anwar Masood

---

---

hamein qarina-e-ranjish kahan mayassar hai
hum apne bas mein jo hote tera gila karte

Anwar Masood

---

---

idhar se liya kuchh udhar se liya
yunhi chal rahe hain idare tere

Anwar Masood

---

---

is waqt wahan kaun dhuan dekhne jae
aKHbar mein paDh lenge kahan aag lagi thi

Anwar Masood

---

---

jaane kis rang se ruThegi tabiat us ki
jaane kis Dhang se ab us ko manana hoga

Anwar Masood

---

---

jo hansna hansana hota hai
rone ko chhupana hota hai

Anwar Masood

---

---