thak ke baiThe ho dar-e-sauma par kya 'anwar'
do-qadam aur ki ye KHana-e-KHummar raha

Anwar Dehlvi

---

---

un se hum lau lagae baiThe hain
aag dil mein dabae baiThe hain

Anwar Dehlvi

---

---

wo jo gardan jhukae baiThe hain
hashr kya kya uThae baiThe hain

Anwar Dehlvi

---

---

ye dil ka karb labon tak kabhi na aaega
mere liye ye KHamoshi ka irtiqa hi sahi

Anwar Feroz

---

---

ab nam nahin kaam ka qael hai zamana
ab nam kisi shaKHs ka rawan na milega

Anwar Jalalpuri

---

---

chaho to meri aankhon ko aaina bana lo
dekho tumhein aisa koi darpan na milega

Anwar Jalalpuri

---

---

koi puchhega jis din waqai ye zindagi kya hai
zamin se ek muTThi KHak le kar hum uDa denge

Anwar Jalalpuri

---

---