sitam to ye hai ki fauj-e-sitam mein bhi 'anjum'
bas apne log hi dekhun jidhar nigah karun

Anjum Khaleeq

---

---

so meri pyas ka donon taraf ilaj nahin
udhar hai ek samundar idhar hai ek sara

Anjum Khaleeq

---

---

tahayyur hai bala ka ye pareshani nahin jati
ki tan dhakne pe bhi jismon ki uryani nahin jati

Anjum Khaleeq

---

---

un sang-zanon mein koi apna bhi tha shayad
jo Dher se ye qimti patthar nikal aae

Anjum Khaleeq

---

---

usi sharar ko jo ek ahd-e-yas ne baKHsha
kabhi diya kabhi jugnu kabhi sitara karen

Anjum Khaleeq

---

---

wahshat-e-hijr bhi tanhai bhi main bhi 'anjum'
jab ikaTThe hue sab ek ghazal aur kahi

Anjum Khaleeq

---

---

ye kaun hai ki jis ko ubhaare hue hai mauj
wo shaKHs kaun tha jo tah-e-ab rah gaya

Anjum Khaleeq

---

---