nazar jis ki taraf kar ke nigahen pher lete ho
qayamat tak phir us dil ki pareshani nahin jati

Anand Narayan Mulla

---

---

nizam-e-mai-kada saqi badalne ki zarurat hai
hazaron hain safen jin mein na mai aai na jam aaya

Anand Narayan Mulla

---

---

one wale tujhe rone ka saliqa hi nahin
ashk pine ke liye hain ki bahane ke liye

Anand Narayan Mulla

---

---

sar-e-mahshar yahi puchhunga KHuda se pahle
tu ne roka bhi tha bande ko KHata se pahle

Anand Narayan Mulla

---

---

shama ek mom ke paikar ke siwa kuchh bhi na thi
aag jab tan mein lagai hai to jaan aai hai

Anand Narayan Mulla

---

---

teri jafa ko jafa main to kah nahin sakta
sitam sitam hi nahin hai jo dil ko ras aae

Anand Narayan Mulla

---

---

tum jis ko samajhte ho ki hai husn tumhaara
mujh ko to wo apni hi mohabbat nazar aai

Anand Narayan Mulla

---

---