gawara hi na thi jin ko judai meri dam-bhar ki
unhin se aaj meri shakl pahchani nahin jati

Anees Ahmad Anees

---

---

hamin ne chun liye phulon ke badle KHar daman mein
faqat gulchin ke sar ilzam Thahraya nahin jata

Anees Ahmad Anees

---

---

kabhi ek bar haule se pukara tha mujhe tum ne
kisi ki mujh se ab aawaz pahchani nahin jati

Anees Ahmad Anees

---

---

main wo rind-e-nau nahin hun jo zara si pi ke bahkun
abhi aur aur saqi ki main phir sambhal raha hun

Anees Ahmad Anees

---

---

tawaf-e-mah karna aur KHala mein sans lena kya
bharosa jab nahin insan ko insan ke dil pa

Anees Ahmad Anees

---

---

udhar wo ahd-o-paiman-e-wafa ki baat karte hain
idhar mashq-e-sitam bhi tark farmaya nahin jata

Anees Ahmad Anees

---

---

wo apne daman-e-para pe bhi nigah kare
jahan mein mujh pe uTha kar jo ungliyan guzre

Anees Ahmad Anees

---

---