zindagi ki dauD mein pichhe na tha
rah gaya wo sirf do ek gam se

Ameer Qazalbash

---

---

jab paDha jaur o jafa main ne to aai ye sada
Thik se paDh use joru hai jafa se pahle

Ameerul Islam Hashmi

---

---

meri majburiyon ne nazuki ka KHun kar Dala
har ek gobhi-badan ko gul-badan likhna paDa mujh ko

Ameerul Islam Hashmi

---

---

uTThe kahan baiThe kahan kab aae gae kab
begam ki tarah tum bhi hisabaat karo ho

Ameerul Islam Hashmi

---

---

do kinaron ko milaya tha faqat lahron ne
hum agar us ke na the wo bhi hamara kab tha

Ameeta Parsuram ‘Meeta’

---

---

hum ne hazar fasle ji kar tamam shab
ek muKHtasar si raat ko muddat bana diya

Ameeta Parsuram ‘Meeta’

---

---

kaun tha mere alawa us ka
us ne DhunDe the Thikane kya kya

Ameeta Parsuram ‘Meeta’

---

---