gard uDi aashiq ki turbat se to jhunjhla kar kaha
wah sar chaDhne lagi panw ki Thukrai hui

Ameer Minai

---

---

girah se kuchh nahin jata hai pi bhi le zahid
mile jo muft to qazi ko bhi haram nahin

Ameer Minai

---

---

hath rakh kar mere sine pe jigar tham liya
tum ne is waqt to girta hua ghar tham liya

Ameer Minai

---

---

hai wasiyyat ki kafan mujh ko isi ka dena
hath aa jae jo utra hua pairahan-e-dost

Ameer Minai

---

---

hum jo pahunche to lab-e-gor se aai ye sada
aaiye aaiye hazrat bahut aazad rahe

Ameer Minai

---

---

haTao aaina ummid-war hum bhi hain
tumhaare dekhne walon mein yar hum bhi hain

Ameer Minai

---

---

hilal o badr donon mein 'amir' un ki tajalli hai
ye KHaka hai jawani ka wo naqsha hai laDakpan ka

Ameer Minai

---

---