wo to tha aadmi ki tarah 'zahir'
us ka chehra farishton jaisa tha

Ali Zaheer Lakhnavi

---

---

zara parda haTa do samne se bijliyan chamken
mera dil jalwa-gah-e-tur ban jae to achchha ho

Ali Zaheer Lakhnavi

---

---

ada-e-ishq hun puri ana ke sath hun main
KHud apne sath hun yani KHuda ke sath hun main

Ali Zaryoun

---

---

asr ke waqt mere pas na baiTh
mujh pe ek sanwli ka saya hai

Ali Zaryoun

---

---

aat bhi kijiye dekh bhi lijiye
dekh bhi lijiye baat bhi kijiye

Ali Zaryoun

---

---

sukut-e-sham ka hissa tu mat bana mujh ko
main rang hun so kisi mauj mein mila mujh ko

Ali Zaryoun

---

---

dil ka chhuna tha ki jazbaat hue patthar ke
aisa lagta hai ki hum shahr-e-tilismat mein hain

Ali Zubair

---

---