mangti hai ab mohabbat apne hone ka subut
aur main jata nahin izhaar ki tafsil mein

Alam Khursheed

---

---

main ne bachpan mein adhura KHwab dekha tha koi
aaj tak masruf hun us KHwab ki takmil mein

Alam Khursheed

---

---

pichhe chhuTe sathi mujh ko yaad aa jate hain
warna dauD mein sab se aage ho sakta hun main

Alam Khursheed

---

---

aat gae aksar dil ke viranon mein
ek sae ka aana jaana hota hai

Alam Khursheed

---

---

tabdiliyon ka nashsha mujh par chaDha hua hai
kapDe badal raha hun chehra badal raha hun

Alam Khursheed

---

---

tahzib ki zanjir se uljha raha main bhi
tu bhi na baDha jism ke aadab se aage

Alam Khursheed

---

---

tamam rang adhure lage tere aage
so tujh ko lafz mein taswir karta rahta hun

Alam Khursheed

---

---