lagawaT ki ada se un ka kahna pan hazir hai
qayamat hai sitam hai dil fida hai jaan hazir hai

Akbar Allahabadi

---

---

leaderon ki dhum hai aur follower koi nahin
sab to general hain yahan aaKHir sipahi kaun hai

Akbar Allahabadi

---

---

lipaT bhi ja na ruk 'akbar' ghazab ki beauty hai
nahin nahin pe na ja ye haya ki duty hai

Akbar Allahabadi

---

---

log kahte hain badalta hai zamana sab ko
mard wo hain jo zamane ko badal dete hain

Akbar Allahabadi

---

---

log kahte hain ki bad-nami se bachna chahiye
kah do be is ke jawani ka maza milta nahin

Akbar Allahabadi

---

---

mai bhi hotel mein piyo chanda bhi do masjid mein
shaiKH bhi KHush rahen shaitan bhi be-zar na ho

Akbar Allahabadi

---

---

main bhi graduate hun tum bhi graduate
ilmi mubahise hon zara pas aa ke leT

Akbar Allahabadi

---

---