mujh ko to dekh lene se matlab hai naseha
bad-KHu agar hai yar to ho KHub-ru to hai

Akbar Allahabadi

---

---

naz kya is pe jo badla hai zamane ne tumhein
mard hain wo jo zamane ko badal dete hain

Akbar Allahabadi

---

---

naukaron par jo guzarti hai mujhe malum hai
bas karam kije mujhe bekar rahne dijiye

Akbar Allahabadi

---

---

paD jaen mere jism pe lakh aable 'akbar'
paDh kar jo koi phunk de april may june

Akbar Allahabadi

---

---

public mein zara hath mila lijiye mujh se
sahab mere iman ki qimat hai to ye hai

Akbar Allahabadi

---

---

puchha 'akbar' hai aadmi kaisa
hans ke bole wo aadmi hi nahin

Akbar Allahabadi

---

---

qaum ke gham mein dinner khate hain hukkaam ke sath
ranj leader ko bahut hai magar aaram ke sath

Akbar Allahabadi

---

---