chale the yar baDe zoam mein hawa ki tarah
palaT ke dekha to baiThe hain naqsh-e-pa ki tarah

Ahmad Faraz

---

---

chup-chap apni aag mein jalte raho 'faraaz'
duniya to arz-e-haal se be-abru kare

Ahmad Faraz

---

---

dekha mujhe to tark-e-talluq ke bawajud
wo muskura diya ye hunar bhi usi ka tha

Ahmad Faraz

---

---

dekho ye kisi aur ki aankhen hain ki meri
dekhun ye kisi aur ka chehra hai ki tum ho

Ahmad Faraz

---

---

dil bhi pagal hai ki us shaKHs se wabasta hai
jo kisi aur ka hone de na apna rakkhe

Ahmad Faraz

---

---

dil ka dukh jaana to dil ka masala hai par hamein
us ka hans dena hamare haal par achchha laga

Ahmad Faraz

---

---

dil ko teri chahat pe bharosa bhi bahut hai
aur tujh se bichhaD jaane ka Dar bhi nahin jata

Ahmad Faraz

---

---