hamein bhi arz-e-tamanna ka Dhab nahin aata
mizaj-e-yar bhi sada hai kya kiya jae

Ahmad Faraz

---

---

hamesha ke liye mujh se bichhaD ja
ye manzar bar-ha dekha na jae

Ahmad Faraz

---

---

ham-safar chahiye hujum nahin
ek musafir bhi qafila hai mujhe

Ahmad Faraz

---

---

har tarah ki be-sar-o-samaniyon ke bawajud
aaj wo aaya to mujh ko apna ghar achchha laga

Ahmad Faraz

---

---

hawa mein nashsha hi nashsha faza mein rang hi rang
ye kis ne pairahan apna uchhaal rakkha hai

Ahmad Faraz

---

---

ho dur is tarah ki tera gham juda na ho
pas aa to yun ki jaise kabhi tu mila na ho

Ahmad Faraz

---

---

hua hai tujh se bichhaDne ke baad ye malum
ki tu nahin tha tere sath ek duniya thi

Ahmad Faraz

---

---