دریائے محبت سے محبؔ لے ہی کے چھوڑی
مجھ اشک نے آخر در نایاب کی میراث

ولی اللہ محب

---

---

درس علم عشق سے واقف نہیں مطلق فقیہ
نحو ہی میں محو ہے یا صرف ہی میں صرف ہے

ولی اللہ محب

---

---

دیں سے پیدا کفر ہے اور نور شکل نار ہے
رشتہ جب سبحے سے نکلا صورت زنار ہے

ولی اللہ محب

---

---

دیوانگی کے سلسلہ کا ہوئے جو مرید
اس گیسوئے دراز سوا پیر ہی نہیں

ولی اللہ محب

---

---

دلوں کا فرش ہے واں پاؤں رکھنے کی کہاں جاگہ
گزرتا ہے ترے کوچے سے پہلے ہی قدم سر سے

ولی اللہ محب

---

---

دوستی چھوٹے چھڑائے سے کسو کے کس طرح
بند ہوتا ہی نہیں رستہ دلوں کی راہ کا

ولی اللہ محب

---

---