'wahshat' suKHan o lutf-e-suKHan aur hi shai hai
diwan mein yaron ke to ashaar bahut hain

Wahshat Raza Ali Kalkatvi

---

---

'wahshat' us but ne taghaful jab kiya apna shiar
kaam KHamoshi se main ne bhi liya fariyaad ka

Wahshat Raza Ali Kalkatvi

---

---

wo kaam mera nahin jis ka nek ho anjam
wo rah meri nahin jo gai ho manzil ko

Wahshat Raza Ali Kalkatvi

---

---

yahan har aane wala ban ke ibrat ka nishan aaya
gaya zer-e-zamin jo koi zer-e-asman aaya

Wahshat Raza Ali Kalkatvi

---

---

zalim ki to aadat hai satata hi rahega
apni bhi tabiat hai bahalti hi rahegi

Wahshat Raza Ali Kalkatvi

---

---

zabardasti ghazal kahne pe tum aamada ho 'wahshat'
tabiat jab na ho hazir to phir mazmun kya nikle

Wahshat Raza Ali Kalkatvi

---

---

zamana bhi mujh se na-muwafiq main aap bhi dushman-e-salamat
tajjub is ka hai bojh kyunkar main zindagi ka uTha raha hun

Wahshat Raza Ali Kalkatvi

---

---

zamin roi hamare haal par aur aasman roya
hamari bekasi ko dekh kar sara jahan roya

Wahshat Raza Ali Kalkatvi

---

---

zindagi apni kisi tarah basar karni hai
kya karun aah agar teri tamanna na karun

Wahshat Raza Ali Kalkatvi

---

---