tu hai aur aish hai aur anjuman-arai hai
main hun aur ranj hai aur gosha-e-tanhai hai

Wahshat Raza Ali Kalkatvi

---

---

uKH-e-raushan se yun uTThi naqab aahista aahista
ki jaise ho tulu-e-aftab aahista aahista

Wahshat Raza Ali Kalkatvi

---

---

qadrdani ki kaifiyat malum
aib kya hai agar hunar na hua

Wahshat Raza Ali Kalkatvi

---

---

nishan-e-manzil-e-jaanan mile mile na mile
maze ki chiz hai ye zauq-e-jushtuju mera

Wahshat Raza Ali Kalkatvi

---

---

nahin mumkin lab-e-ashiq se harf-e-muddaa nikle
jise tum ne kiya KHamosh us se kya sada nikle

Wahshat Raza Ali Kalkatvi

---

---

na wo puchhte hain na kahta hun main
rahi jati hai dil ki dil mein hawas

Wahshat Raza Ali Kalkatvi

---

---

mere to dil mein wahi shauq hai jo pahle tha
kuchh aap hi ki tabiat badal gai hogi

Wahshat Raza Ali Kalkatvi

---

---

mera maqsad ki wo KHush hon meri KHamoshi se
un ko andesha ki ye bhi koi fariyaad na ho

Wahshat Raza Ali Kalkatvi

---

---

mehnat ho musibat ho sitam ho to maza hai
milna tera aasan hai talabgar bahut hain

Wahshat Raza Ali Kalkatvi

---

---