جب تلک اس نے ہم سے باتیں کیں
جیسے پھولوں کے درمیان تھے ہم

شکیل اعظمی

---

---

آج آنکھوں میں کوئی رات گئے آئے گا
آج کی رات یہ دروازہ کھلا رہنے دے

شکیل اعظمی

---

---

اس بار اس کی آنکھوں میں اتنے سوال تھے
میں بھی سوال بن کے سوالوں میں رہ گیا

شکیل اعظمی

---

---

ہر گھڑی چشم خریدار میں رہنے کے لیے
کچھ ہنر چاہئے بازار میں رہنے کے لیے

شکیل اعظمی

---

---

حادثے شہر کا دستور بنے جاتے ہیں
اب یہاں سایۂ دیوار نہ ڈھونڈھیں کوئی

شکیل اعظمی

---

---

گھر کے دیوار و در پہ شام ہی سے
نظم لکھتا ہوا ہے سناٹا

شکیل اعظمی

---

---

بچھڑ کے بھی وہ مرے ساتھ ہی رہا ہر دم
سفر کے بعد بھی میں ریل میں سوار رہا

شکیل اعظمی

---

---

بھوک میں عشق کی تہذیب بھی مر جاتی ہے
چاند آکاش پہ تھالی کی طرح لگتا ہے

شکیل اعظمی

---

---

بس اک پکار پہ دروازہ کھول دیتے ہیں
ذرا سا صبر بھی ان آنسوؤں سے ہوتا نہیں

شکیل اعظمی

---

---