fasil-e-jism pe taza lahu ke chhinTe hain
hudud-e-waqt se aage nikal gaya hai koi

Shakeb Jalali

---

---

aa ke patthar to mere sehn mein do-chaar gire
jitne us peD ke phal the pas-e-diwar gire

Shakeb Jalali

---

---

ham-safar rah gae bahut pichhe
aao kuchh der ko Thahar jaen

Shakeb Jalali

---

---

is shor-e-talatum mein koi kis ko pukare
kanon mein yahan apni sada tak nahin aati

Shakeb Jalali

---

---

jati hai dhup ujle paron ko sameT ke
zaKHmon ko ab ginunga main bistar pe leT ke

Shakeb Jalali

---

---

jahan talak bhi ye sahra dikhai deta hai
meri tarah se akela dikhai deta hai

Shakeb Jalali

---

---

jo motiyon ki talab ne kabhi udas kiya
to hum bhi rah se kankar sameT lae bahut

Shakeb Jalali

---

---

kahta hai aaftab zara dekhna ki hum
Dube the gahri raat mein kale hue nahin

Shakeb Jalali

---

---

koi bhula hua chehra nazar aae shayad
aaina ghaur se tu ne kabhi dekha hi nahin

Shakeb Jalali

---

---