ham-safar rah gae bahut pichhe
aao kuchh der ko Thahar jaen

Shakeb Jalali

---

---

aa ke patthar to mere sehn mein do-chaar gire
jitne us peD ke phal the pas-e-diwar gire

Shakeb Jalali

---

---

fasil-e-jism pe taza lahu ke chhinTe hain
hudud-e-waqt se aage nikal gaya hai koi

Shakeb Jalali

---

---

ek apna diya jalane ko
tum ne lakhon diye bujhae hain

Shakeb Jalali

---

---

dil sa anmol ratan kaun KHaridega 'shakeb'
jab bikega to ye be-dam hi bik jaega

Shakeb Jalali

---

---

as ek raat Thaharna hai kya gila kije
musafiron ko ghanimat hai ye sarae bahut

Shakeb Jalali

---

---

ad-qismati ko ye bhi gawara na ho saka
hum jis pe mar miTe wo hamara na ho saka

Shakeb Jalali

---

---

abhi arman kuchh baqi hain dil mein
mujhe phir aazmaya ja raha hai

Shakeb Jalali

---

---

aalam mein jis ki dhum thi us shahkar par
dimak ne jo likhe kabhi wo tabsire bhi dekh

Shakeb Jalali

---

---