mashrab mein to durust KHarabaatiyon ke hai
mazhab mein zahidon ke nahin gar rawa shara

Shaikh Zahuruddin Hatim

---

---

masjid mein sar paTakta hai to jis ke waste
so to yahan hai dekh idhar aa KHuda-shanas

Shaikh Zahuruddin Hatim

---

---

maston ka dil hai shisha aur sang-dil hai saqi
achraj hai jo na TuTe patthar se aabgina

Shaikh Zahuruddin Hatim

---

---

mausam-e-gul ka magar qafila jata hai ki aaj
sare ghunchon se jo aawaz-e-jaras aati hai

Shaikh Zahuruddin Hatim

---

---

mazhar-e-haq kab nazar aata hai in shaiKHon ke tain
bas-ki aaine par in aahan-dilon ke zang hai

Shaikh Zahuruddin Hatim

---

---

mazra-e-duniya mein dana hai to Dar kar hath Dal
ek din dena hai tujh ko dane dane ka hisa

Shaikh Zahuruddin Hatim

---

---

mera mashuq hai mazon mein bhara
kabhu miTha kabhu salona hai

Shaikh Zahuruddin Hatim

---

---

mere aansu ke pochhne ko miyan
teri ho aastin KHuda na kare

Shaikh Zahuruddin Hatim

---

---

mere hawas-e-KHamsa use dekh uD gae
kyun kar Thahar saken ye kabutar the par gire

Shaikh Zahuruddin Hatim

---

---