kis tarah pahunchun main apne yar kin punjab mein
ho gaya rahon mein chashmon se do-aba be-tarah

Shaikh Zahuruddin Hatim

---

---

kis tarah se guzar karun rah-e-ishq mein
kaTe hai ab har ek qadam par zamin mujhe

Shaikh Zahuruddin Hatim

---

---

kisu mashrab mein aur mazhab mein
zulm ai mehrban nahin hai durust

Shaikh Zahuruddin Hatim

---

---

kiya tha din ka wada raat ko aaya to kya shikwa
use bhula nahin kahte jo bhula ghar mein sham aaya

Shaikh Zahuruddin Hatim

---

---

koi batlata nahin aalam mein us ke ghar ki rah
marta phirta hun apne sar ko diwaron se aaj

Shaikh Zahuruddin Hatim

---

---

koi hai surKH-posh koi zard-posh hai
aa dekh bazm mein ki hui hai bahaar-e-jam

Shaikh Zahuruddin Hatim

---

---

kohkan jaan-kani hai mushkil kaam
warna bahtere hain pathar phoDe

Shaikh Zahuruddin Hatim

---

---

kya baDa aib hai is jama-e-uryani mein
chaak karne ko kabhi is mein gareban na hua

Shaikh Zahuruddin Hatim

---

---

kya madrase mein dahr ke ulTi hawa bahi
waiz nahi ko amr kahe amr ko nahi

Shaikh Zahuruddin Hatim

---

---