hai rah-e-ashiqi tarik aur barik aur sukDi
nahin kuchh kaam aane ki yahan zahid teri lakDi

Shaikh Zahuruddin Hatim

---

---

hairan hain apne apne jo dekha so kaam mein
kya naKHuda-shanas yahan kya KHuda-shanas

Shaikh Zahuruddin Hatim

---

---

hum bahut dekhe farangistan ke husn-e-sabih
charb hai sab par butan-e-hind ka rang-e-malih

Shaikh Zahuruddin Hatim

---

---

hum chhanalon ki chhoD di yari
nafs ko mar kar kya murda

Shaikh Zahuruddin Hatim

---

---

hum sin maston ko bas hai teri nigah
subh uTh kar KHumar ki KHati

Shaikh Zahuruddin Hatim

---

---

hum teri rah mein jun naqsh-e-qadam baiThe hain
tu taghaful kiye ai yar chala jata hai

Shaikh Zahuruddin Hatim

---

---

hamari aql-e-be-tadbir par tadbir hansti hai
agar tadbir hum karte hain to taqdir hansti hai

Shaikh Zahuruddin Hatim

---

---

hamari guftugu sab se juda hai
hamare sab suKHan hain bankpan ke

Shaikh Zahuruddin Hatim

---

---

haq rakhe us ko salamat hind mein
jis se KHush lagta hai hindostan mujhe

Shaikh Zahuruddin Hatim

---

---