agar rote na hum to dekhte tum
jahan mein naw ko dariya na hota

Shaikh Zahuruddin Hatim

---

---

ahl-e-maani juz na bujhega koi is ramz ko
hum ne paya hai KHuda ko surat-e-insan ke bich

Shaikh Zahuruddin Hatim

---

---

ai KHirad-mando mubarak ho tumhein farzangi
hum hon aur sahra ho aur hairat ho aur diwangi

Shaikh Zahuruddin Hatim

---

---

ai KHizan bhag ja chaman se shitab
warna fauj-e-bahaar aawe hai

Shaikh Zahuruddin Hatim

---

---

ai musalmano baDa kafir hai wo
jo na howe zulf-giran ka mutia

Shaikh Zahuruddin Hatim

---

---

aisa karunga ab ke gareban ko tar tar
jo phir kisi tarah se kisi se rafu na ho

Shaikh Zahuruddin Hatim

---

---

aisi hawa bahi ki hai chaaron taraf fasad
juz saya-e-KHuda kahin dar-ul-aman nahin

Shaikh Zahuruddin Hatim

---

---

anal-haq ki haqiqat ko jo ho mansur so jaane
ki us ko aasman chaDhne se chaDhna dar behtar tha

Shaikh Zahuruddin Hatim

---

---

asiron ka nahin kuchh shor-o-ghul ye aaj zindan mein
mere diwana-pan ko dekh kar zanjir hansti hai

Shaikh Zahuruddin Hatim

---

---