phaDkun to sar phaTe hai na phaDkun to ji ghaTe
tang is qadar diya mujhe sayyaad ne qafas

Shaikh Zahuruddin Hatim

---

---

pahn kar jama basanti jo wo nikla ghar sun
dekh aankhon mein meri phul gai hai sarson

Shaikh Zahuruddin Hatim

---

---

pagDi apni yahan sambhaal chalo
aur basti na ho ye dilli hai

Shaikh Zahuruddin Hatim

---

---

paDi phirti hain kai laila-o-shirin har ja
par koi hae yahan majnun-o-farhad nahin

Shaikh Zahuruddin Hatim

---

---

nigahen joD aur aankhen chura Tuk chal ke phir dekha
mere chehre upar ki shah-e-KHuban ne nazar sani

Shaikh Zahuruddin Hatim

---

---

ne kaba ki hawas na hawa-e-kunisht hai
dekha to donon jae wahi sang-o-KHisht hai

Shaikh Zahuruddin Hatim

---

---

kyunkar in kali balaon se bachega aashiq
KHat siyah KHal siyah zulf siyah chashm siyah

Shaikh Zahuruddin Hatim

---

---

nazar mein band kare hai tu ek aalam ko
fusun hai sehr hai jadu hai kya hai aankhon mein

Shaikh Zahuruddin Hatim

---

---

nau-jawanon ko dekh kar 'hatim'
yaad ahd-e-shabab aawe hai

Shaikh Zahuruddin Hatim

---

---