sare chaman ko main to samajhta hun apna ghar
jaise chaman mein mera koi aashiyan bana

Seemab Akbarabadi

---

---

qafas ki tiliyon mein jaane kya tarkib rakkhi hai
ki har bijli qarib-e-ashiyan malum hoti hai

Seemab Akbarabadi

---

---

pareshan hone walon ko sukun kuchh mil bhi jata hai
pareshan karne walon ki pareshani nahin jati

Seemab Akbarabadi

---

---

nashat-e-husn ho josh-e-wafa ho ya gham-e-ishq
hamare dil mein jo aae wo aarzu ho jae

Seemab Akbarabadi

---

---

mohabbat mein ek aisa waqt bhi aata hai insan par
sitaron ki chamak se choT lagti hai rag-e-jaan pa

Seemab Akbarabadi

---

---

meri KHamoshiyon par duniya mujh ko tan deti hai
ye kya jaane ki chup rah kar bhi ki jati hain taqriren

Seemab Akbarabadi

---

---

meri diwangi par hosh wale bahs farmaen
magar pahle unhen diwana banne ki zarurat hai

Seemab Akbarabadi

---

---

markaz pe apne dhup simaTti hai jis tarah
yun rafta rafta tere qarib aa raha hun main

Seemab Akbarabadi

---

---

manzil mili murad mili muddaa mila
sab kuchh mujhe mila jo tera naqsh-e-pa mila

destination and desire and my ends attained
i got everything when your footprints I obtained

Seemab Akbarabadi

---

---