wo aaina ho ya ho phul tara ho ki paimana
kahin jo kuchh bhi TuTa main yahi samjha mera dil hai

Seemab Akbarabadi

---

---

wo duniya thi jahan tum band karte the zaban meri
ye mahshar hai yahan sunni paDegi dastan meri

Seemab Akbarabadi

---

---

ye meri tira-nasibi ye sadgi ye fareb
giri jo barq main samjha charagh-e-KHana mila

Seemab Akbarabadi

---

---

ye sharab-e-ishq ai 'simab' hai pine ki chiz
tund bhi hai bad-maza bhi hai magar iksir hai

Seemab Akbarabadi

---

---

hai husul-e-arzu ka raaz tark-e-arzu
main ne duniya chhoD di to mil gai duniya mujhe

Seemab Akbarabadi

---

---

arhaman kahta tha barham shaiKH bol uTha ahad
harf ke ek pher se donon mein jhagDa ho gaya

Seemab Akbarabadi

---

---

ut karen aarzu KHudai ki
shan teri hai kibriyai ki

Seemab Akbarabadi

---

---

chamak jugnu ki barq-e-be-aman malum hoti hai
qafas mein rah ke qadr-e-ashiyan malum hoti hai

the glow of fireflies appears as lightning heaven sent
the value of freedom is felt, during imprisonment

Seemab Akbarabadi

---

---

dekhte hi dekhte duniya se main uTh jaunga
dekhti ki dekhti rah jaegi duniya mujhe

Seemab Akbarabadi

---

---