آدھی سے زیادہ شب غم کاٹ چکا ہوں
اب بھی اگر آ جاؤ تو یہ رات بڑی ہے

ثاقب لکھنوی

---

---

دیدۂ دوست تری چشم نمائی کی قسم
میں تو سمجھا تھا کہ در کھل گیا مے خانے کا

ثاقب لکھنوی

---

---

چل اے ہم دم ذرا ساز طرب کی چھیڑ بھی سن لیں
اگر دل بیٹھ جائے گا تو اٹھ آئیں گے محفل سے

ثاقب لکھنوی

---

---

بوئے گل پھولوں میں رہتی تھی مگر رہ نہ سکی
میں تو کانٹوں میں رہا اور پریشاں نہ ہوا

ثاقب لکھنوی

---

---

بلا سے ہو پامال سارا زمانہ
نہ آئے تمہیں پاؤں رکھنا سنبھل کر

ثاقب لکھنوی

---

---

باغباں نے آگ دی جب آشیانے کو مرے
جن پہ تکیہ تھا وہی پتے ہوا دینے لگے

ثاقب لکھنوی

---

---

اپنے دل بے تاب سے میں خود ہوں پریشاں
کیا دوں تمہیں الزام میں کچھ سوچ رہا ہوں

ثاقب لکھنوی

---

---

آپ اٹھ رہے ہیں کیوں مرے آزار دیکھ کر
دل ڈوبتے ہیں حالت بیمار دیکھ کر

ثاقب لکھنوی

---

---